У Кіеве адзначылі Дзень памяці загінулых на Майдане, адначасова прайшлі пратэсты (ФОТА)

В Украине

Ёсць сярод іх і замежныя грамадзяне, якія загінулі пад час рэвалюцыі, у тым ліку і Міхась Жызнеўскі. Каля яго партрэта асабліва шмат кветак, перадае Радыё Свабода.

Помнікі Жызнеўскаму — «народны» пасярэдзіне праежджай часткі і «афіцыйны» — упрыгожылі. Каля «народнага» помніка ўсталявалі адмысловыя пражэктары, якія сімвалізуюць месцы, дзе былі забітыя людзі.

Каля манумента Незалежнасці адбыўся мітынг, сярод удзельнікаў якога было шмат ветэранаў і жаўнераў баявых дзеянняў на ўсходзе Украіны. У асноўным аратары абвінавачвалі ўладу ў сітуацыі, якая склалася ў краіне, і патрабавалі адстаўкі ўраду.

Таксама ў Кіеве адбыўся марш, удзельнікі якога закідалі цэглай «Альфа-банк», які знаходзіцца на Майдане Незалежнасці. Гэты банк, паводле іх словаў, прадстаўляе расійскі капітал. Таксама «дасталася» і офісу алігарха Рыната Ахметава каля Міхайлаўскай плошчы. Цяпер будынак «Альфа-банку» ахоўвае некалькі паліцыянтаў.

Цэнтр горада ўзмоцнены атрадамі Нацыянальнай гвардыі і дадатковымі экіпажамі хуткай дапамогі. З зоны Антытэрарыстычнай аперацыі на ўсходзе краіны прыехаў і аўтамабіль хуткай дапамогі з надпісам «Ратаўніца» — гэта дар беларусаў, якія збіралі грошы, каб дапамагчы ратаваць жыцці ўкраінскіх жаўнераў.