Вынікі галасавання беларусаў ва Украіне: казацкаму атаману Улаховічу не паверыў ніхто

В Украине

Стала вядома, як прагаласавалі беларусы, якія жывуць ва Украіне. Грамадзяне Беларусі галасавалі ў Кіеве, на ўчастку № 117, які знаходзіцца на тэрыторыі беларускай амбасады, а таксама ў Адэсе, у Генеральным консульстве Рэспублікі Беларусь, паведамляе "Радыё Рацыя".

У галасаванні бралі ўдзел пераважна тыя грамадзяне нашай краіны, якія стаялі на консульскім уліку. Сумарна ў Беларускай амбасадзе ў Кіеве і Генеральным консульстве ў Адэсе, зарэгістравана 471 грамадзянаў Беларусі, якія стаяць на консульскім уліку. З іх прагаласавалі 341 чалавек, прычым людзей, якія вырашылі галасаваць датэрмінова, назбіралася ажно 80.

Вынікі ўжо вядомыя. За Аляксандра Лукашэнку аддалі галасы 280 украінскіх беларусаў, за Таццяну Караткевіч - 37, за Сяргея Гайдукевіча - 7. Ніводнага голасу не набраў Мікалай Улаховіч.

Несапраўднымі прызнаныя 3 выбарчыя бюлетэні, супраць усіх прагаласавалі 14 грамадзянаў Беларусі. Тыя беларускія грамадзяне, што не стаяць на консульскім уліку ў амбасадзе ці консульстве, таксама мелі права галасаваць. Але большасць з іх выбары праігнаравалі прэзідэнцкія праігнаравалі.