Немцы жартуюць над тэлеканалам Russia Today і ўзвышэннем Пуціна

Уладальнік шматлікіх узнагародаў як лепшая камедыйная перадача Нямеччыны "Heute show" тэлеканала ZDF днямі прымусіла рагатаць гледачоў з нагоды з'яўлення нямецкамоўнага тэлеканала Russia Today, піша "Новы Час".

У пачатку праграмы вядучы кажа пра тое, што Еўропа саступіла ў псіхалагічнай вайне з Пуціным.

"Што (пройгрыш у інфармацыйнай вайне) я, будучы немцам, уважаю за ганебны. Гэта мы вынайшлі прапаганду, мае ветлівыя. І тут раптам Іван паказвае, як гэта робіцца", - абураецца вядучы.

Далей вядучы абураецца выхадам нямецкамоўнага канала Russia Today. Ён кажа, што ў недаверы да СМІ, у тым ліку і да ўласных, няма нічога заганнага. Але Расея ў якасці ўзору выклікае ў яго здзіўленне.

У эфіры з'яўляецца кавер на праграму Russia Today, у якой высмейваецца падача каналам навін, узвышэнне Пуціна і тэорыя змовы, якую, на думку Russia Today, будуе ЗША.

Нагадаем, з пачатку Еўрамайдана ў Кіеве пракрамлёўскі канал Russia Today неаднаразова абвінавачвалі ў скажэнні фактаў. Праз што каналу пагражалі пазбаўленнем ліцэнзіі праз хлусню пра падзеі ва Украіне.

У ліпені брытанскія тэлегледачы паскардзіліся ў Ofcom, рэгулятары ў пытаннях камунікацый, на парушэнне прапагандысцкім рупарам Крамля, каналам Russia Today, стандартаў асвятлення падзей.