Знайшоўся Ігар Луцэнка: Мяне запалохвалі расстрэлам

 Актывістка Марыя Лебедзева, якую сродкі масавай інфармацыі называюць жонкай выкрадзенага Ігара Луцэнкі, пацвердзіла сёння на сваім фэйсбуку, што ён ужо на волі, паведамляе "Радыё Свабода". 

Раней з'явілася паведамленне ў фэйсбуку ад імя самога Ігара Луцэнкі, але пацверджэнняў, што ён ужо на волі, спачатку не было.

Па словах гэтага паведамлення, Луцэнку з яшчэ адным чалавекам выкралі ўначы "дужыя маладзёны са шпіталя", дзе тыя знаходзіліся, і вывезлі ў лес пад Кіевам, пасля чаго трымалі больш 10 гадзінаў зачыненымі у нейкім гаражы, а затым зноў вывезлі ў лес ды, імітуючы падрыхтоўку да растрэлу, кінулі там. 

"Амаль 15-гадзіннае кантактаванне з выкрадальнікамі было часам вельмі цяжкім маральна і фізічна", - цытуе Луцэнку "Радыё Свабода".