У Варшаве пакажуць настольную беларускую гульню “Паўстанцы”

Можна абраць ролю Каліноўскага, Урублеўскага ці Мураўёва, альбо простага беларуса і ўплываць на ход паўстання.

- У бліжэйшую суботу ў Варшаве адбудзецца прэзентацыя новай беларускай настольнай гульні “Паўстанцы”. Гэтая гульня прысвечана падзеям 1863 года, паўстанню Кастуся Каліноўскага, яна нядаўна створана. Аўтар Антон Янкоўскі прыедзе да нас у Варшаву, у Беларусі было пакуль дзве прэзентацыі, у Гародні і ў Менску, трэцяя прэзентацыя будзе ў Варшаве. Гульня дазволіць акунуцца ў гісторыю тых падзеяў, дзе кожны зможа адчуць сябе ўдзельнікам паўстання з абодвух бакоў. У гульні можа ўдзельнічаць да 12-ці чалавек.

На прэзентацыі ўдзельнікаў чакае падрабязны аповед пра cтварэнне гульні, магчымасць упершыню пагуляць і набыць яе для ўласнага карыстання.

Прэзентацыя адбудзецца 13 сакавіка ў Collegium Civitas.