Еўрапейскі дыялог па мадэрнізацыі Беларусі будуць абмяркоўваць у Бруселі

Як паведаміў еўрадэпутат Яцэк Сарыюш-Вольскі, на сустрэчу запрошаныя толькі незалежныя беларускія эксперты, палітыкі і прадстаўнікі грамадзянскай супольнасці, паколькі беларускія ўлады ігнаруюць гэтую ініцыятыву:

“Ідзе пра тое, каб ацаніць наколькі гэтая ініцыятыва мае пазітыўную ролю ў сітуацыі, калі адносіны Еўрасаюза з уладамі Беларусі вельмі абмежаваныя. Намерам Еўрасаюза з'яўляецца навязванне кантактаў непасрэдна з грамадствам, гэта будзе спроба выслухаць прадстаўнікоў гэтай грамадскай супольнасці, прадстаўнікі якой прыязджаюць у Брусель. Яны скажуць, ці працуе гэта, ці нешта трэба змяніць, каб нешта палепшыць. Гэтая сустрэча арганізоўваецца менавіта для гэтага”.

З ліку беларускіх палітыкаў у сустрэчы прыме ўдзел лідар Руху "За Свабоду" Аляксандр Мілінкевіч, передае Беларускае Радыё Рацыя.

“Еўрапейскі дыялог па мадэрнізацыі Беларусі" быў запачаткаваны летась еўракамісарам Штэфанам Фюле падчас сустрэчы 29 сакавіка з прадстаўнікамі беларускай апазіцыі. З таго часу адбылося некалькі сустрэч прысвечаных плану дэмакратычных рэформаў у Беларусі.