Ключавыя вынікі Форума грамадзянскай супольнасці Усходняга партнёрства - 2012

Камісар таксама паведаміў пра паспяховую рэалізацыю Інструмента грамадзянскай супольнасці Еўрапейскай палітыкі добрасуседства (EU Neighbourhood Civil Society Facility), які прапануе павялічыць фінансавыя магчымасці грамадзянскай супольнасці і стварыць Еўрапейскі фонд за дэмакратыю, які таксама будзе аказваць дадатковую падтрымку змагарам за дэмакратыю ў краінах-суседзях.

Як прыклад падтрымкі Еўракамісіяй грамадзянскай супольнасці ў рэгіёне, Штэфан Фюле прывёў падпісанне пагаднення ў памеры амаль € 1 мільёна для ўмацавання патэнцыялу нацыянальных платформ ФГС, створаных ва ўсіх шасці краінах-партнёрах.

Фюле падкрэсліў важнасць станаўлення большай устойлівасці Форума, і, акрамя рашэння аказваць фінансавую падтрымку нядаўна створанаму пастаяннаму Сакратарыяту, які будзе садзейнічаць рабоце Форума, рэкамендаваў арганізацыі шукаць фінансаванне ў іншых донараў - для аплочвання "канкрэтных дзеянняў на месцах, якія спрыялі б рэалізацыі мэт Усходняга партнёрства, нарошчвалі падтрымку людзьмі неабходных рэформ і дапамагалі ўрадам распрацоўваць і ажыццяўляць іх".

Сустаршыні Кіруючага камітэта Форума, Джэф Ловіт і Ігар Кагут, падзяліліся з удзельнікамі вынікамі працы Форума ў папярэднім годзе:

- устанаўленне статуса пастаянных удзельнікаў Форуму на тэматычных сустрэчах платформы;

- рэгістрацыя Сакратарыята Форума;

- поспех Кіруючага камітэта па фандрэйзінгу;

- стварэнне рабочай групы па сацыяльнаму дыялогу;

- важныя меры па падрыхтоўцы наступнага Форума.

Удзельнікі таксама мелі магчымасць прыняць удзел у адной з трох паралельных тэматычных панэльных секцый:

- выбар лідэраў, палітычныя выбары ў краінах Усходняга партнёрства;

- СМІ ў свабодным і дэмакратычным грамадстве;

- барацьба з карупцыяй.

Упершыню ў сваёй гісторыі, Форум будзе арганізаваны ў наступным годзе ў адной з краін-партнёраў, Малдове.

На мерапрыемстве быў таксама прапанаваны шэраг семінараў грамадзянскага развіцця па шырокім коле пытанняў: ад барацьбы з карупцыяй і маніторынгу Дарожнай карты да спрашчэння візавага рэжыму і лібералізацыі і жаночага ўдзелу ў грамадзянскай супольнасці.

Акрамя гэтага, там адбыўся выбар пасярэднікаў ва ўсіх шасці краінах УП, дзесяці каардынатараў рабочых груп і трох каардынатараў з ЕС, якія будуць выступаць у якасці сябраў Кіруючага камітэта Форума цягам гэтага года. Абраны Камітэт ізноў узначаліць Форум у будучым годзе і будзе працаваць для дасягнення мэт, пастаўленых на мерапрыемстве. Найбольш важная мэта Форума - актывізацыя ўдзелу грамадзянскай супольнасці ў практычнай рэалізацыі мэт  Усходняга партнёрства.