ТБМ заахвочвае да беларускіх класаў

Галоўная задача – заахвоціць бацькоў, якія не вызначыліся, аддаваць дзяцей у першыя беларускія класы, якіх сёлета павінна адкрыцца па адным у 32-й і 34-й школах Гродна.

Якая сітуацыя з садкамі, дзе працэс выхавання вядзецца на роднай мове, распавядае «Радыё Рацыя» Алесь Крой:

– У нас у лідарах 45-ты садок у Ленінскім раёне на Сухамбаева, 5. У гэтым садку ў мінулым годзе выйшла група дзетак, якія пайшлі вучыцца ў 32-ю школу, у іншыя навучальныя ўстановы горада, і нават у 23-ю гімназію ў Мінск. Дзве групы на сёння ў гэтым садку беларускамоўныя, там каля 30 чалавек. Чацвёртая група па ініцыятыве сям’і Станкевічаў у Кастрычніцкім раёне.

Праблему Алеь Крой бачыць у тым, што у Кастрычніцкім раёне Гродна пакуль няма беларускіх груп ды беларускіх садкоў. Таму, з боку гродзенскага аддзела адукацыі было б сэнсоўным ісці за сваімі дэкларацыямі ў напрамку пашырэння беларускай мовы. Такім дзейсным крокам магла б стаць беларуская група ў 65-м садку на вуліцы Рэпіна.