Суды над актыўнымі ўдзельнікамі акцый пратэсту працягваюцца

Маніторынг падрыхтаваны праваабарончым цэнтрам «Вясна».

Лідэр «Маршаў недармаедаў» ў Берасці і Баранавічах, актывіст АГП з Бярозы Аляксандр Кабанаў асуджаны на 10 сутак арышту па арт. 23.34.ч.3. Суддзя Наталля Мінчанка.

Суд Кастрычніцкага раёна Віцебска 21 сакавіка разгледзеў адміністрацыйную справу ў дачыненні да рэгіянальнага каардынатара аргкамітэта па стварэнні партыі «Беларуская хрысціянская дэмакратыя» Таццяны Севярынец. Яе абвінавачваюць у парушэнні парадку арганізацыі або правядзення масавых мерапрыемстваў (артыкул 23.34 КаАП), якое выявілася ва ўдзеле ў Маршы недармаедаў у Віцебску. права супраць яе была распачатая 26 лютага, калі па сканчэнні віцебскага «Маршу недармаедаў» актывістку затрымалі непадалёк ад яе дому.

Справу разглядала суддзя Жарыкава. Пасля прагляду відэазапісу з акцыі суддзя вынесла пастанову паводле арт. 23.34 КаАП аштрафаваць актывістку на 50 базавых велічынь. Сведак у суд не выклікалі.

Таксама ў гэтым жа судзе разглядалася справа яшчэ аднаго ўдзельніка акцыі - Кірылы Татарэвіча. Паcтанова суддзі Уладзіміра Царыкава - штраф 30 базавых велічынь па. частцы 1 арт. 23.34 КаАП.

У судзе Фрунзенскага раёна Мінска разглядалася справа праваабаронцы Алега Волчака. Прысуд - 13 сутак арышту ад моманту затрымання, паколькі сам праваабаронца на суд не з'явіўся.