У Баранавічах затрыманы актывіст прафсаюзу РЭП Рыгор Грык

 Пра затрыманьне ён паспеў паведаміць праваабаронцу Сяргею Гоўшу.

Гоўша распавядае: «Ён паспеў мне паведаміць, што захоп здзейсьнілі маёр Баранавіцкага ГАУС Кучэнка Антон Аляксандравіч і Патоцкі Руслан Віктаравіч па загадзе кіраўніцтва ГАУС».

Праваабаронца мяркуе, што затрыманьне Грыка можа быць звязанае з анансаванай акцыяй пратэсту ў Баранавічах, якая мае адбыцца а 16 гадзіне, паведамляе "Радыё Свабода".

Грыка ўжо затрымлівалі прэвэнтыўна ў дзень акцыі «недармаедаў» у Мінску 15 сакавіка. Тады Грык цэлы дзень правёў у міліцыі «на размове» з маёрам.