За акцыі пратэсту з 3 па 14 сакавіка затрымалі і асудзілі больш за 100 чалавек

З 3-га па 13-е сакавіка было затрымана больш за 70 чалавек - прадстаўнікоў палітычнай апазіцыі, грамадзянскіх актывістаў, журналістаў і звычайных пратэстоўцаў. Гэтая лічба пастаянна павялічваецца. 

Спіс тых, хто трапіў пад рэпрэсіі, апублікаваў Праваабарончы цэнтр "Вясна". Дакладна вядомыя факты затрыманняў, са спасылкамі на больш падрабязную інфармацыю з розных крыніцаў, зведзены ў адзіную табліцу, якая дапаўняецца. Праваабаронцы дадаюць, што  з’яўляецца новая інфармацыя з розных рэгіёнаў краіны, якая патрабуе ўдакладненняў.

11 сакавіка "Вясна" выступіла з заклікам да ўладаў спыніць пераьлед грамадзян за рэалізацыю імі права на мірны пратэст і выказванне сваёй думкі, пад пераслед трапілі таксама праваабаронцы цэнтра.