У Горадні зацвердзілі шыльды з гістарычнымі назвамі вуліц

Такое рашэнне прыняла тапанімічная камісія Гарадзенскага гарвыканкаму.

Спіс гістарычных назваў вуліц складаў гарадзенскі гісторык Андрэй Вашкевіч. Паводле яго, увесь спіс складаўся з 43 вуліц, але камісія вырашыла на першым этапе ўсталяваць шыльды толькі на 16 вуліцах.

"Ніякіх заўваг на маю працу складання спісу назваў вуліц з боку сяброў камісіі не было, праўда, папрасілі не ўносіць у спіс назвы перыяду Другой усясветнай вайны, калі вуліцы атрымалі нямецкія найменні. Іх на шыльдах не будзе", — сказаў Вашкевіч.

Далей над праектам па ўсталяванні новых шыльдаў з назвамі вуліц будуць працаваць дызайнеры. Плануецца, што новыя шыльды з'явяцца на 16 гарадзенскіх вуліцах на пачатку вясны, паведамляе "Радыё Свабода".