Алег Корбан аштрафаваны на 805 рублёў за акцыю супраць аўтара «Рэгнума» Паўлаўца

9 снежня дзясятак сяброў «Альтэрнатывы» прыйшлі да галоўнага корпуса БДУІР у Мінску з расцяжкай «Выкладчык Паўлавец — здраднік!». Такім чынам актывісты выказалі сваё стаўленне да аўтара правакацыйных артыкулаў на сайце «Рэгнум», піша Радыё Свабода.

Акцыю блакавалі дружыннікі ўніверсітэту, а таксама некалькі грамадзян у цывільным, якія парвалі частку расцяжкі і ўзялі ў кола пратэстоўцаў. Акцыя завяршылася скандаваннем лозунгаў «Ганьба!», «„Не“ — рускаму свету на Беларусі!».

Праз месяц аднаму з актыўных удзельнікаў акцыі Алегу Корбану была ўручана копія адміністрацыйнага пратаколу, складзенага паводле артыкула 23.34 КаАП, і позва ў суд.