Беларусь займае 57-е месца ў глабальным індэксе вяршэнства закону

Беларусь набрала ў індэксе 0, 54 бала, дзе пункты ў дыяпазоне ад 0 да 1 сведчыць аб самай моцнай прыхільнасці да вяршэнства закона. З гэтым паказчыкам Беларусь знаходзіцца пасля Манголіі і Малайзіі, абагнаўшы Туніс, Сурынам і Марока.

У параўнанні з мінулым годам рэйтынг Беларусі палепшыўся на дзве пазіцыі.

Сярод суседзяў Беларусі найлепшае месца ў Польшчы — 22-е. Украіна на 78-м, Расія заняла 92-ю прыступку спісу. Літва і Латвія ў рэйтынгу не прадстаўлены. Самае моцнае захаванне законнасці ў свеце ў Даніі (0,89), далей ідуць Нарвегія (0,88) і Фінляндыя (0,87), паведамляе "Радыё Свабода".

Індэкс World Justice Project складаецца з улікам васьмі паказьнікаў: абмежаваньні ўрадавых паўнамоцтваў, адсутнасьць карупцыі, адкрыты ўрад, асноўныя правы, парадак і бясьпека, правапрымяненьне нарматыўных актаў, грамадзянскае судаводзтва і крымінальная юрыспрудэнцыя.