Будаўнік з Рагачова абскардзіць законнасць «падатка на дармаедаў»

Юрыст Незалежнага прафсаюза РЭП Леанід Судаленка будзе прадстаўляць інтарэсы працоўнага ў судзе.

«Да мяне звярнуўся жыхар Рагачова. У тым годзе ён троху працаваў, а потым згубіў працу ў сувязі са сканчэннем працоўнага кантракту. Быў зарэгістраваны ў якасці беспрацоўнага некалькі месяцаў. Але ж санкцыі дэкрэта пра «дармаедаў» усё ж яго дасталі. Падатковая інспекцыя прад’яўляе яму гэтыя 20 базавых адзінак. Ён наадрэз адмовіўся выплочваць. Звярнуўся да мяне і кажа: дапамажы, калі ласка, абскардзіць гэты дэкрэт, бо ён супярэчыць Канстытуцыі, па Канстытуцыі няма такога абавязку, што я павінен працаваць», - распавёў «Радыё Рацыя» Леанід Судаленка.

Судаленка і Антонаў збіраюцца, калі спатрэбіцца, дайсці да аўтара дэкрэту, а калі не ўдасца абараніць свае правы ў беларускіх судах, напісаць скаргу ў Камітэт ААН па правах чалавека.