Наста Дашкевіч: Увесь двор абложаны людзьмі ў штацкім

Як паведаміла ў Facebook Наста Дашкевіч, у Савецкім РУУС кажуць, што Зьмітра Дашкевіча ў іх няма.

Тым часам у двары дома Дашкевічаў дзяжурыць міліцыя. «Увесь двор абложаны людзьмі ў штацкім. На выезьдзе з двара стаіць ДАІшная машына, якая спыняе ўсе машыны, што выяжджаюць ад мяне, пытаюцца хто і што, перадаюць па рацыі і прапускаюць», — піша Наста Дашкевіч у Facebook.

Нягледзячы на затрыманьне Зьмітра Дашкевіча, у дадзены момант ля ўнівэрсаму «Цэнтральны» адбываецца пікет, арганізаваны «Маладым фронтам», на якім можна падпісаць зварот у Мінкульт за ўключэньне бел-чырвона-белага сьцяга ў сьпіс гістарычных каштоўнасьцяў, паведамляе "Радыё Свабода".

Актывісты не выключаюць, што затрыманы Сяргей Пальчэўскі — ён павінен быў прынесьці на пікет расьцяжку, але яго няма, а ягоны мабільнік маўчыць.