Справу Пальчыса перадалі ў суд

"Пра дату пачатку слуханняў і фармат будзе паведамлена дадаткова", — напісала ў Фэйсбуку прэс-сакратар Вярхоўнага суда Мінска Юлія Ляскова.

У паведамленні Лясковай прозвішча Эдуарда Пальчыса не называецца, але ў каментарах яна ўдакладняе, што гаворка ідзе менавіта пра адміністратара сайту 1863x.com.

Беларускі блогер і заснавальнік вядомага сайту 1863x.com, жыхар Ліды Эдуард Пальчыс быў арыштаваны ў Расіі і ўвесну выдадзены праваахоўнікам Беларусі. Раней у Беларусі на Эдуарда Пальчыса завялі крымінальную справу па абвінавачаньні ў распальванні варожасці і распаўсюдзе праз інтэрнэт парнаграфічных матэрыялаў. Пальчыс з абвінавачваннямі не згодны.

Праваабаронцы не выключаюць палітычных матываў пераследу заснавальніка вядомага сайту, але канчатковага рашэння аб прызнанні яго палітвязьнем пакуль не прынялі, паведамляе "Радыё Рацыя".