Таксіста затрымалі разам з аўтамабілем за бел-чырвона белыя аўтасцяжкі

Кулакоў вырашыў прыняць удзел у акцыі па папулярызацыі нацыянальных сімвалаў «БЧБмабіль», якую абвясціла «Арт Сядзіба». Кожнаму адважнаму беларусу арганізацыя дае шанец ператварыць сваё аўто ў “БЧБмабіль”.

Як толькі Леанід Кулакоў пачапіў сцяжкі на аўтамабіль, яго затрымалі супрацоўнікі ДАІ і даставілі разам з аўтамабілем у РУУС Цэнтральнага раёна.  

Праваабаронцы высвятляюць падрабязнасці затрымання актывіста, паведамляе сайт Праваабарончага цэнтру "Вясна".

 Супрацоўнікі міліцыі склалі пратакол апытання. Кулакоў патлумачыў, што сцяжкі на аўтамабілі - гэта ягоная грамадзянская пазіцыя, а не сепаратызм. Пасля таго як Кулакова адпусцілі з міліцыі, ён заўважыў, што на аўтамабілі, які стаяў каля будынка РУУСа сцяжкі адсутнічаюць - нехта іх скраў. Кулакоў спрабуе напісаць заяву аб крадзяжы сцяжкоў. Супрацоўнікі міліцыі адмаўляюцца заяву прымаць.