У Брэсце пройдзе вечарына памяці Алеся Чаркашына

Паведамленне пра гэта пакінуў на сваёй старонцы ў Фэйсбуку сустрашыня партыі БХД Павел Севярынец.

Мерапрыемства адбудзецца 14 чэрвеня (у аўторак) а 18.00 у Берасці па адрасе вул. 17 верасня 22-24 ("Брэсцкі кур'ер"). У ёй возьмуць удзел бацька і брат Алеся, прыедуць актывісты з Мінску. Будзе прэзентацыя праекту помніка і збор сродкаў на помнік (ужо сабралі каля 3000 з 4000 патрэбных).

Алесь Чаркашын (пазыўны "Тарас") - беларускі добраахвотнік "Правага сектару" з Берасця, які загінуў ад ран 28 жніўня мінулага года ва ўкраінскім шпіталі.