На “Басовішча” можа выправіцца спецыяльны цягнік

Для пачатаку адзін курс толькі ў суботу і нядзелю і толькі да канца верасня.

Выезд цягніка з Беластока плануецца а 9-й гадзіне раніцы, вяртанне з Валілаў а 16-й, паведамляе «Радыё Рацыя».

Як кажа войт гміны Гарадок Веслаў Кулеша, ідуць размовы, каб арганізаваць спецыяльны цягнік на беларускі фэст”Сяброўская Бяседа” і фестываль “Басовішча”.

– На “Басовішча” было б вельмі добра арганізаваць цягнік. Пастараемся зрабіць так, каб у пятніцу на ўікэнд можна было выехаць, а вярнуцца ў нядзелю.

Звычайны квіток на маршрут з Беластоку ў Валілы абыйдзецца ў 5 злотых. Таксама сёлета мінае 130 гадоў з адкрыцця чыгуначнай лінні Баранавічы – Беласток. Святкаванні гадавіны запланаваныя на 3-га верасня ў вёсцы Саколе.