У Мінску да Дня Расіі пачалі маляваць гіганцкае графіці

Прымеркавана адраджэнне манументальнай прапаганды да «Дня Расіі», - такое паведамленне з'явілася сёння на старонцы супольнасці Signal.

Яраслаўскі мастак Артур Кашак вядомы ў Расіі сваімі графіці ў жанры фотарэалізму.

Рабіць графіці пачалі з выявы беларускага хлопчыка, з букетам палявых кветак і гербам Мінска на вышыванцы. Варта дадаць, што адзенне хлопчыка нагадвае абрысы так званай «рускай рубахі».

Куратар найбольш значных для Мінска стрыт-арт акцый Алег Ларычаў так пракаментаваў з'яўленне такога твора: «Дадзены праект не мае дачынення ні да стрыт-арту, ні да графіці-культуры. Заказны манументальны роспіс у найгоршых савецкіх традыцыях", - піша "Наша Ніва".

Дзень Расіі з 1992 года адзначаецца 12 чэрвеня (з 1991 года - афіцыйны выхадны) з нагоды прыняцця Дэкларацыі аб дзяржаўным суверэнітэце Расійскай Федэрацыі.