Студэнтку пагражаюць адлічыць з Баранавіцкага ўніверсітэту за ўдзел у флэшмобе «Танчым за рэформы»

Як паведамляе прэс-служба Руху «За Свабоду», незалежныя студэнцкія арганізацыі запусцілі флэшмоб «Танчым за рэформы» ў лютым. Гэтым яны хацелі звярнуць увагу на адсутнасць рэформаў у беларускіх ВНУ.

Відэа Аліны Нагорнай з сябрамі з'явілася ў сацыяльных сетках 25 мая. Ягоны сюжэт — просты: студэнты танчаць каля ўніверсітэту, у якім вучацца.

27 мая з Алінай у сацсетках звязалася супрацоўніца ўніверсітэта. «Аліна, калі вы сёння да 17.00 не выдаліце з кантактаў відэа «Танцы за рэформы», будзеце адлічаныя», — напісала Ірына ў асабістых паведамленнях у сацсетцы «Вконтакте».

«Я здала сесію з сярэднім балам 8,2, — адказала ёй Нагорная. — За што вы можаце мяне адлічыць?»