Еўразвяз занепакоены новым выкананнем смяротнага выраку ў Беларусі

У заяве, апублікаванай 7 траўня, ЕЗ адзначыў, што расстрэл Сяргея Іванова ёсць "асабліва драматычным", улічваючы тое, што ягоная скарга была прынятая да разгляду Камітэтам ААН па правах чалавека.

Еўразьвяз таксама звярнуў увагу, што беларускі суд пакінуў у сіле смяротны прысуд Сяргею Хмялеўскаму.

У заяве ЕЗ гаворыцца таксама, што абʼяднанне 28 дзяржаў чакае ад Беларусі далучэння да глабальнага мараторыю на выкананне смяротнага пакарання як першага кроку да адмены такой практыкі.

Беларусь застаецца адзінай краінай у Еўропе, дзе дагэтуль караюць смерцю, паведамляе "Радыё Свабода".