«Начныя ваўкі» прыбылі ў Мінск — актывісты БРСМ сустракалі іх з кветкамі

Да матацыклаў былі прымацаваныя сцягі Расіі, СССР і сімволіка «Начных ваўкоў». На некалькіх матацыклах бачныя сцягі Рэспублікі Беларусь. Узначальвае калону Аляксандар Залдастанаў — прыяцель прэзідэнта Расіі Уладзімера Пуціна і заснавальнік байк-клубу. Сустракалі іх каля 20 актывістаў БРСМ са сцягамі і кветкамі, паведамляе "Радыё Свабода".

Байкеры ўсклалі кветкі да Кургана Cлавы і зладзілі імправізаваны мітынг-рэквіем. Залдастанаў выступіў з прамовай, заявіў, што 9 траўня — святая для ўсіх дата, і яны хочуць сустрэць яе на месцы капітуляцыі нацысцкай Нямеччыны. Пасля прамовы пачалося калектыўнае фатаграфаванне. Далей байкеры плануюць ехаць да мемарыялу ў Хатыні.

Прадстаўнікі байкерскага клубу «Начныя ваўкі» збіраюцца правесці мотапрабег да Берліну, іх і маршрут ляжыць праз Беларусь. Раніцай 1 траўня яны правядуць прэс-канфэрэнцыю ў Берасці ў консульстве Расіі. Пасля гэтага яны збіраюцца разам паехаць да памежнага пераходу «Варшаўскі мост». Летась іх маршрут на гэтым і спыніўся. Сёлета таксама могуць узьнікнуць цяжкасці, бо Польшча ўжо абвясціла, што не збіраецца прапускаць расійскіх байкераў на сваю тэрыторыю.