У Мінску судзяць акцёра Купалаўскага тэатра

Працэс праходзіць у судзе Кастрычніцкага раёна сталіцы. На ім прысутнічае шмат журналістаў, група акцёраў Купалаўскага тэатра. Акцёр прызнаўся, што марыхуану спажываў 1-2 разы на месяц "з-за стрэсаў на працы". Адбывалася гэта ў апошнія шэсць гадоў. Ён прызнаў факт захоўвання марыхуаны (апошні раз яе купіў у верасні 2015-га за 750 долараў, захоўваў у лядоўні), але адмаўляе, што яе прадаваў.

Бародзічу пагражае ад 5 да 8 гадоў пазбаўлення волі, з канфіскацыяй ці без канфіскацыі маёмасці. Высветлілася, што шэсць гадоў таму віцебскі суд прысудзіў яго на умоўны тэрмін за незаконны абарот наркотыкаў, паведамляе "Еўрарадыё".

Апошні раз на сцэне Купалаўскага тэатра акцёр з'яўляўся 24 студзеня ў спектаклі "Чорная панна Нясвіжа". Неўзабаве пасля гэтага Бародзіча затрымалі. У Купалаўскім ён працаваў ад 2009 года.