Журналіста-фрылансера зноў выклікаюць у суд

У канцы снежня Жукоўскі быў у Буда-Кашалёве, дзе па просьбе мясцовых жыхароў здымаў відэа пра праблемы на масласырзаводзе, працаўнікоў якога адправілі ў адпачынак за свой кошт. Потым відэа было выкарыстана ў сюжэце тэлеканала «Белсат».

Напярэдадні журналісту патэлефанаваў участковы інспектар, які запрасіў яго яшчэ раз наведаць Буда-Кашалёва, але гэтым разам для складання пратакола, паведаміў Жукоўскі «Радыё Рацыя»:

— Па-першае я адразу сказаў супрацоўніку міліцыі, які мне тэлефанаваў, штоя не збіраюся ехаць на складанне пратакола, бо ў насамрэч там законнага няма нічога. А па нейкіх панятках — гэта не да мяне. Гэта зразумела ўсім, і яму ў тым ліку. Ён жа не па сваёй добрай волі гэтыя матэрыялы «маляваў», яму патэлефанавалі і сказалі скласці пратакол. Гуляць па нейкіх правілах і марнаваць свой час і грошы я не збіраюся і не паеду. Я лічу сённяшнюю ўладу злачыннай, бо ўладу яны захапілі незаконна і таму жывуць не па законе. А калі ўсё па-панятках, дык я туды не паеду і ўсё.