Зорка «Купалаўскага» Святлана Зелянкоўская атрымала від на жыхарства ва Украіне

Святлана Зелянкоўская апублікавала здымак з дакументам у руках на сваёй старонцы ў сацыяльнай сетцы Facebook. Здымак суправаджаецца словамі "Шчэ не ўмерла Украіна!"

Прыблізна год Святлана Зелянкоўская, жонка музыкі Сяргея Міхалка, жыве на два гарады - Мінск і Кіеў, паведамляе "Новы час"

У Міхалка і іх сына Макара ўжо ёсць віды на ўкраінскае жыхарства. Цяпер такі дакумент з'явіўся і ў беларускай актрысы.

Раней Зелянкоўская паведаміла пра сваё рашэнне пераехаць у Кіеў.

«Мне цікава развівацца, каб мая праца была патрэбная, а мае дзеці маглі сябе праявіць, былі актыўнымі, якія думаюць і імкнуцца наперад. Мне не хочацца, каб яны сталі часткай паслухмянай шэрай масы», - адзначае Святлана Зелянкоўская.

Экс-лідар «Ляпісаў» і лідэр BRUTTO Сяргей Міхалок з'ехаў з Беларусі з-за пераследаў за крытыку ўладаў.