Ці з’явіцца ў Косаве помнік Касцюшку?

Прапанову з’яўлення аб’екту агучыла Таварыстава беларускай мовы імя Францішка Скарыны, паведаміў «Радыё Рацыя» палітык Ігар Маслоўскі.

– Мы просім органы выканаўчай і прадстаўнічай улады садзейнічаць пашырэнню спадчыны Тадэвуша Касцюшкі і годна ўшанаваць ягоную памяць. Такімі мерапрыемствамі цягам года могуць быць усталяванне коннай скульптуры Касцюшкі на яго малой радзіме ў горадзе Косаве, назва шэрагу вуліц у яго гонар у населеных пунктах Берасцейскай вобласці, тэматычныя канферэнцыі, віктарыны, конкурсы, выданне тэматычнай літаратуры.

Таксама актывісты накіравалі зварот ад імя абласной арганізацыі партыі ў Берасцейскі абласны выканаўчы камітэт і Савет дэпутатаў з прапановамі правесці шэраг мерапрыемстваў з нагоды 270-ай гадавіны народзінаў Тадэвуша Касцюшкі.