Беларусаў Польшчы абіраюць ганаровымі сябрамі Саюзу пісьменнікаў

Галоўным рэдактарам альманаха «Новы Замак» зацверджаны празаік Сяргей Астравец, паведамляе "Радыё Свабода".

Пісьменнікі Гродна прагаласавалі за тое, каб беларускіх літаратараў з Беластоку — Міхася Андрасюка, Яўгена Вапу, Ганну Кандрацюк і Віталя Лубу прынялі ў СБП ганаровымі сябрамі. Яны не могуць уступіць у саюз на агульных падставах, паколькі з'яўляюцца замежнымі грамадзянамі. Зацвердзіць рашэнне аб іх сяброўстве ў СБП яшчэ мае рада арганізацыі ў Мінску.

Пасяджэнне адбылося ў вёсцы Стрэльчыкі Гродзенскага раёну, паколькі ў горадзе філія памяшкання не мае. У сходзе брала ўдзел кіраўніцтва СБП на чале з Барысам Пятровічам.