Сёння ў Мінску пройдзе вечарына памяці Алеся Чаркашына

В Украине

У гэты дзень на сядзібе БНФ у Мінску а 18:00 адбудзецца вечар памяці Алеся Чаркашына (Ales Zmagar, “Тарас”). Да гэтага дня маладафронтаўцы падрыхтавалі аўдыёдыск са студыйнымі запісамі, куды ўвайшлі ў тым ліку аўтарскія запісы спеваў Алеся. Кружэлку можна будзе замовіць, звярнуўшыся на адрэсу [email protected]. Грошы, атрыманыя ад распаўсюду кампакт-дыскаў, "Малады Фронт" накіруе на помнік Алесю Чаркашыну у Берасці, паведамляецца на сайце МФ.

На вечарыну запрашаюць усіх сяброў, знаёмых Алеся, усіх, каго смерць гэтага мужнага маладога беларуса не пакінула абыякавым, у каго ў сэрцы гучыць “Не здавайся! Бог з табою.Ты не адзін!”.
33-гадовы беларус, былы старшыня берасцейскай гарадской арганізацыі БХД Аляксандар Чаркашын ваяваў у складзе Добраахвотнага ўкраінскага корпусу "Правага сектару". 10 жніўня ён быў цяжка паранены ў баі пад Белакаменкай у Данбасе і памёр у шпіталі ў Запарожжы, прабыўшы некалькі тыдняў у коме.