Перад прыездам Лукашэнкі ў Бараўлянах сотні людзей сагналі на добраўпарадкаванне (ФОТА)

Каб у перадвыбарчых навінах усё глядзелася добра, людзей вымусілі працаваць у нядзелю ў аўральным рэжыме, паведамляе сайт патыі БХД.

Сотні людзей і дзясяткі машын тэхнікі выгналі на працу ў выходныя, каб паспець да прыезду Аляксандра Лукашэнкі адрамантаваць дарогі, прыпынкі і іншыя аб'екты. Абавязалі нават прадпрымальнікаў навесці парадак перад кіёскамі. 

“Шмат год прыпынкі грамадскага транспарту не асвятляліся, была праблема са смеццем, але перадвыбарчая агітацыя творыць цуды: за максімальна сціснутыя тэрміны навялі прыгажосць. Усё дзеля прыгожай карцінкі перад выбарамі на тэлебачанні”, - адзначае каардынатар аргкамітэту БХД у Мінскай вобласці Павал Пракаповіч.