Кангрэс даследчыкаў Беларусі вызначыў пераможцаў штогадовай прэміі

Акции / Фото

Яе вядучыя – філосаф, рэдактар “Архэ” Валер Булгакаў і тэолаг Ірына Дубянецкая нагадалі, что прэмія Кангрэсу мае на мэце адзначыць дасягненні ў гуманітарных і сацыяльных навуках на прцягу года,заахвочваць навуковую працу, а таксама спрыяць паляпшэнню якасці навуковай дзейнасці.

На пачатку цырымоніі ўдзельнікі Кангрэсу успомнілі хвілінай маўчання выдатнага беларускага навукоўца,сацыелага Уладзіміра Абушэнка,які зусім нядаўна сыйшоў ад нас. 

Потым вядучыя нагадалі, за што прысуджаецца ўзнагарода Кангрэсу.

Прэмія мае намінацыі: гісторыя, гуманітарныя навукі, сацыяльна-палітычныя навукі,  замежная манаграфія на беларускую тэматыку.

У 2015 годзе адбыліся пэўныя змены пры ўзнагароджанніі прэміяй. Так дадалася новая ганаровая прэмія для замежных даследчыкаў на беларускую тэматыку.Таксама ў гэтым годзе разглядаліся манаграфіі на англійскай альбо рускай мовах, апублікаваныя ў 2013-2014 гадах.

У выніку прэмію атрымала Анастасія Скеп’ян за кнігу «Князі Слуцкія», выдадзенную ў Мінску ў 2013 годзе. Яна была прызнана лепшай гістарычнай манаграфіяй.

Прэмію імя Зоры Кіпель за найлепшую манаграфію ў галіне гуманітарных навук атрымаў Мікалай Хаўстовіч за кнігу «Даследванніі і матэр’ялы: Літаратура Беларусі XVIII—XIX стагоддзяў», выдадзеную ў 2014 годзе ў Варшаве.

Прэмію за найлепшую замежную кнігу атрымала прафесар з Гарварда Маргарыта Бальмасэда. Яна напісала манаграфію Living the High Life in Minsk. Russian Energy Rents, Domestic Populism and Belarus’ Impending Crisis.

Асобныя ўзнагароды атрымалі аўтары артыкулаў. Сярод іх Сяргей Токць, за гістарычны артыкул «Нараджальнасць і смяротнасць у традыцыйнай сялянскай супольнасці Беларусі ХІХ — пачатку ХХ ст. (па матэрыялах Глыбоцкага прыхода)»;  Маргарыта Аляшкевіч за артыкул у галіне гуманітарных навук «Стратэгіі поспеху ў беларускай літаратурнай крытыцы»;  Аляксей Ластоўскі і Надзея Яфімава за артыкул у галіне сацыяльна-палітычных навук «Вытокі нацыянальнай дзяржаўнасці ў беларускай гістарычнай памяці».

Нашы віншаванні пераможцам!