Ансамбль бабулек з Жыткавіцкага раёна спявае песню пра Лукашэнку (відэа)

На YouTube з'явіўся відэаролік, на якім ўдзельніцы ансамбля "Крынічанька" з Жыткавіцкага раёна Гомельскай вобласці спяваюць песню пра Аляксандра Лукашэнку.

Сюжэт песні просты: вяскоўцы даведаліся, што да іх едзе кіраўнік дзяржавы. Яго "з задавальненнем" чакаюць.

Ён прыязджае, ідзе па полі да камбайна, сядае за руль і працуе на ім.

"И вот приехал в поле Лукашенко

И до кобайна легенько идет.

И он за руль садится, и с улыбкой

И комбайна плавно он ведет".

Згодна песні, Лукашэнка "ўсё ўмее рабіць: жаць і араць", а яшчэ ён "людзей прыцягвае да працы... сваёй душой і ласкавым сэрцам", спяваецца ў песні.

Удзельніцы ансамбля робяць выснову, што такога прэзідэнта больш няма ні ў адной краіне свету.