Памёр Уладзімір Кішкурна

Пра гэта паведаміў Радыё Свабода яго сябра і паплечнік кінарэжысёр Валерый Мазынскі.

Уладзімір Кішкурна трапіў у аўтамабільную аварыю каля Івацэвічаў, калі накіроўваўся ў адзін з санаторыяў Брэсцкай вобласці. 77-гадовы актывіст ехаў за рулём аўтамабіля, яму стала кепска, і на вялікай хуткасці ён уехаў у «МАЗ». У выніку — сур’ёзнае пашкоджанне лёгкіх і печані. Учора стан актывіста быў стабільна цяжкім, быў прызначаны кансіліўм, абмяркоўвалася яго транспанціроўка ў Мінск.

Два гады таму Уладзімір Кішкурна перанёс інфаркт.

Уладзімір Кішкурна — вядомы руплівец беларускай справы. Быў сябрам Партыі БНФ, удзельнічаў у акцыях і шэсцях, дапамагаў упарадкаваць урочышча Курапаты.