Памёр народны артыст Беларусі Сяргей Журавель

Пра трагічную навіну напісаў у сваім Facebook тэатразнаўца Вячаслаў Ракіцкі.

«Памёр Сяргей Журавель… Выдатны беларускі акцёр. Больш словаў няма, толькі роспач… Светлая памяць», - напісаў Ракіцкі.

Апошняй выдатнай роллю Сяргея Жураўля быў Яцак Сапліца ў «Пану Тадэвушу» паводле Адама Міцкевіча.

Сяргей Журавель нарадзіўся ў 1954 у Мінску. У 1976 годзе скончыў тэатральны факультэт Беларускага тэатральна-мастацкага інстытута па спецыяльнасці “Акцёр драматычнага тэатра і кіно” (курс А.І. Бутакова). З 1976 па 1985 год працаваў у Беларускім рэспубліканскім тэатры юнага гледача. З 1985 года працуе ў Беларускім Дзяржаўным моладзевым тэатры. З’яўляўся мастацкім кіраўніком тэатральнага праекта “Нікола-тэатр”. З 2009 года - у складзе трупы Купалаўскага тэатра.

У 2011 г. ён быў уганараваны званнем Народнага артыста Беларусі.