Улады прызналі творчасць Тодара Вайцюшкевіча экстрэмісцкай

Ва ўказе №257 вядзецца пра тое, што забаронена арганізацыя і правядзенне канцэртаў, якія “маюць на мэце ажыццяўленне прапаганды вайны ці экстрымісцкай дзейнасці; прадстаўляюць пагрозу нацыянальнай бяспецы, грамадскаму парадку, маральнасьці і здароўю насельніцтва”. Такі адказ за подпісам першага намесніка начальніка галоўнага ўпраўлення ідэалагічнай работы, культуры і па справах моладзі – кіраўніка ўпраўлення культуры Мінгарвыканкама Віталіны Рудзікавай атрымаў Зміцер Вайцюшкевіч.

Ён спрабаваў 22 ліпеня ў Доме Масквы зладзіць канцэрт з песнямі на вершы Уладзіміра Маякоўскага з нагоды дня народзінаў паэта, паведамляе «Радыё Рацыя».

- Некаторыя канцэрты дазваляюцца і дзякуй Богу. Але зноў нас дзеляць на лепшых і горшых. А момант развіцця беларускай культурнай прасторы губляецца. Не зразумела, што ў галавах у гэтых чыноўнікаў, хутчэй за ўсё гэта банальны страх за сваё крэсла, за тых, хто запытае ў іх “зверху”. Цяжка сказаць, што такое “канстытуцыйная бяспека” для іх саміх.

Як адзначае Зміцер Вайцюшкевіч, калі раней яго выступы зрываліся проста па тэлефанаванню зверху, то ў гэтым выпадку чыноўнікі ўпершыню далі афіцыйнае тлумачэнне, фактычна прызнаўшы яго экстрэмістам.