Бельск Падляшскі і Кобрынскі раён сталі партнёрамі

Афіцыйнае супрацоўніцтва дазволіць скарыстацца праграмай транспамежнага супрацоўніцтва “Польшча-Беларусь-Украіна”, якая падтрымлівае транспамежнае развіццё ў розных галінах.

- Гэта дамова дае нам розныя ўмовы для таго, каб мы развівалі і культурныя сувязі, і бачылі недзе наперадзе эканамічныя адносіны, ну і народная дыпламатыя таму, што нам сёння дзяліць няма чаго, - заявіў «Радыё Рацыя» Аляксандр Зазуля. - У нас шмат у чым і адзіная гісторыя, адзіная культура, мы павінны сябраваць і ніякіх размежаванняў быць не павінна і Бельск Падляшскі і Кобрын на самой справе пакажа, як патрэбна па добраму трэба жыць па суседству, сябраваць і рабіць добрыя справы.

Кобрынская дэлегацыя таксама ўзяла ўдзел у святкаванні Дзён Бельска Падляшскага.