Італьянцы знялі фільм пра "Паўночную Карэю Еўропы" з удзелам Вольскага і Вайцюшкевіча (відэа)

Аўтараў фільму "Made in BY" Беларусь зацікавіла найперш як "краіна-прывід". У сінопсісе праекту яна называецца "Паўночнай Карэяй Eўропы" і, вядома ж, "апошняй дыктатурай Eўропы", незалежнай дзяржавай на мяжы паміж двума кантынэнтамі і дзьвюма цывілізацыямі, паведамляе tuzin.fm.

Незалежны кінарэжысёр Луіджы Мілардзі выкарыстоўвае культуру ў якасці ключа да разумення тых працэсаў, якія адбываюцца ў нашым грамадстве і шукае адказаў на пытанні: як выжывае творчасць ва ўмовах цэнзуры, ці ідуць людзі культуры на здзелку з дыктатурай і як наогул можна быць незалежным у краіне, дзе практычна ўсё кантралюецца дзяржавай.

Італьянцы двойчы былі ў Беларусі. Упершыню яны прыехалі ў Менск у 2013 годзе, другі раз — у час чэмпіянату свету па хакеі ў 2014 годзе. Агулам пражылі тут каля двух месяцаў, запісалі безліч інтэрвію з мясцовымі грамадзкімі дзеячамі, музыкамі, паэтамі, мастакамі, акторамі, журналістамі. Цікава, што большасць герояў адказвала на пытанні на ангельскай мове.

Міжнародная прэм’ера стужкі адбудзецца 5 сакавіка ў Празе на One World Film Festival. А пакуль на youtube-канале фільму паступова з'яўляюцца відэаінтэрв'ю-замалёўкі пра герояў фільму.

Удзел беларускага гурта Port Mone ў стужцы:

Музыка і шоўмэн Аляксандр Памідораў размаўляе ў кіно па-ангельску: