Галадоўнікаў у Бабруйску адпусцілі з пастарунку пасля прафілактычнай гутаркі

Звольненыя з Бабруйскага завода трактарных дэталяў і агрэгатаў чацвёра сябраў Свабоднага прафсаюза Беларускага - Мікалай Жыбуль, Алег Шаўчэнка, Аляксандр Варанкін і Аляксандр Грамыка абвясцілі галадоўку яшчэ 5 лістапада. Яны патрабуюць аднавіць іх на працы, паколькі былі звольнены незаконна, з-за дзейнасці ў складзе СПБ, паведамляе "Еўрарадыё".

Раніцай у панядзелак звольненыя рабочыя прышлі да гарвыканкама. З прадстаўнікоў мясцовай ўлады да іх зноў ніхто не вышаў, але з'явілася міліцыя, у галадоўнікаў забралі пашпарты. Міліцыянеры прапанавалі ўдзельнікам акцыі праехаць за імі на ўласным аўтамабілі для разбіральніцтва ў аддзяленні. У пастарунку разам з імі апытвалі незалежных журналістаў Вячаслава Пяшко і Артура Бондарава. Праз дзве гадзіны іх вызвалілі.

Вось што распавёў Еўрарадыё Мікалай Жыбуль:

"Адпусцілі нас. Правялі размову з намі, прафілактычную. Працягваем сваю акцыю. Калі будзем і надалей яе працягваць, патрапім пад адміністрацыйнае пакаранне, штраф - да 30 базавых велічынь [4 млн 500 тысяч рублёў]".

Пратэстоўцы схіляюцца да таго, каб працягваць акцыю і дамагацца аднаўлення на працы.