Амбасадары краін ЕС наведалі фотавыставу смяротнай кары ў Беларусі

У Мінску адкрылася фотавыстава Сяргея Балая, прысвечаная праблеме смяротнай кары ў Беларусі, паведамляе БелаПАН.

Фотавыстава месціцца ў памяшканні кніжнай крамы выдавецтва "Галіяфы". Экспазіцыя прысвечана праблеме выключнай меры пакарання ў краіне і адбываецца ў межах Тыдня супраць смяротнай кары, якую абвясціла кампанія "Праваабаронцы супраць смяротнай кары ў Беларусі".

Адкрыццё выставы наведала каля 30 чалавек, у тым ліку амбасадар Велікабрытаніі ў Беларусі Брус Бакнэл, прадстаўнікі амбасадаў Балгарыі і Чэхіі, а таксама старшыня камітэта па замежным справам парламента Чэхіі, экс-міністр замежных справаў Карэл Шварцэнберг. 

У межах праекта Балай фатаграфуе маці людзей, пакараных смерцю, паказвае пачуцце іхней страты. 

На выставе - 26 здымкаў, якія распавядаюць гісторыі Любові Кавалёвай (на фота) (маці Уладзіслава Кавалёва, растралянага па абвінавачванню з тэракце ў мінскім метро),

Тамары Селюн (маці Паўла Селюна, пакаранага за падвойнае забойства з асаблівай жорсткасцю), Святланы Жук (маці растралянага за забойства Андрэя Жука) і Вольгі Груновай (маці пакаранага смерцю за забойства Аляксандра Грунова). 

Адной з гераіняў фотапраекта стала узбекская праваабаронца Тамара Чыкунова, сын якой быў растреляны ў Ташкенце.