У Беларусі новы палітвязень: гомельскі актывіст Юрый Рубцоў асуджаны на паўтара года "хіміі"

Юрый Рубцоў асуджаны на два з паловай гады абмежавання волі з накіраваннем ва ўстанову адкрытага тыпу. Адзін год з гэтага тэрміну скасоўваецца па амністыі, таму для адбыцця пакарання застаецца паўтары гады.

Такое рашэнне 6 кастрычніка вынесла сддзя Цэнтральнага раёна мінска Наталля Вайцэховіч, якая прызнала Юрыя Рубцова вінаватым у “абразе суддзі або народнага засядацеля”.

Дзяржаўны абвінаваўца  Гардзеенка запатрабаваў для  Юрыя Рубцова пакаранне ў выглядзе абмежавання свабоды тэрмінам на тры гады. 

Намеснік старшыні Праваабарончага цэнтру “Вясна” Валянцін Стэфановіч, які назірае за ходам судовага працэсу, заяўляе, што калі Юрый Рубцоў будзе асуджаны да абмежавання волі з накіраваннем ва ўстанову адкрытага тыпу, гэта фактычна будзе азначаць, што ў Беларусі з’явіўся новы палітвязень.