"Мова Cup" – першае выключна беларускае свята спорту

Акции / Фото

Сам фэст праходзіў у Рэспубліканскім цэнтры алімпійскай падрыхтоўкі па вул. Каліноўскага ў Мінску. У рамках фестывалю тут прайшлі спаборніцтвы па міні-футболу, стрытболу, лёгкай атлетыцы, плаванні, бадмінтоне, гіравым спорце, шахматах, настольным хакеі і іншых відах спорту.

Адзначым, што першапачатковая ініцыятыва "Мова Cup" зыходзіла не ад чыноўнікаў, а ад спартсменаў - удзельнікаў дабрачыннага праекта "Мары здзяйсняюцца" і журналістаў газеты "Прессбол". Менавіта яны і сталі "зоркамі" фестывалю.

Напрыклад, сярэбраны прызёр Алімпіяды ў Пекіне, дзесяціборац Андрэй Краўчанка стаў пераможцам "Мова Cup" у спаборніцтве па кіданні мабільнікаў. Пасля цырымоніі ўзнагароджання ён падарыў свой ​​мабільнік хлопчыку з інваліднасцю.

Але, безумоўна, галоўнай дзеючай асобай "Мова Cup" была чэмпіёнка свету па плаванні, прызёрка Алімпійскіх гульняў у Лондане і, па сумяшчальніцтве, адзін з ініцыятараў фестывалю - Аляксандра Герасіменя. Яна ўдзельнічала ў лёгкаатлетычных спаборніцтвах, давала майстар-клас для дзяцей у басейне, ўручала прызы на цырымоніі ўзнагароджання і фатаграфавалася з усімі жадаючымі. Пры гэтым Аляксандра Герасіменя, як і іншыя спартсмены і трэнеры, гутарыла з калегамi, а таксама з гледачамі на беларускай мове. У выніку на фэсце стваралася унікальная сяброўская атмасфера, у якой паняцце "беларускі спорт" напаўнялася больш асэнсаваным і значным зместам.

На погляд арганізатараў, першы фестываль "Мова Cup" атрымаўся, сабраўшы не толькі вялікую колькасць спартсменаў, але і спонсараў, і гледачоў. Плануецца, што праз паўгода яго можна будзе паўтарыць.