БДУ пляцецца ў хвасце топ-500 універсітэтаў свету

Беларускі дзяржаўны ўніверсітэт размясціўся ў групе ўніверсітэтаў, якія займаюць 491-500-ю пазіцыю, паведамляе БЕЛТА.

На 1-м месцы рэйтынгу размясціўся Масачусецкі тэхналагічны інстытут (ЗША), на 2-м - Кембрыджскі ўніверсітэт (Вялікабрытанія).

З расійскіх вну лепшыя - МДУ імя Ламаносава (114-е месца), СПбГУ (233-е), МДТУ імя Баўмана (322-е). 

Варшаўскі ўніверсітэт апынуўся на 335-й пазіцыі, Кіеўскі нацыянальны універсітэт імя Тараса Шаўчэнкі знаходзіцца ў групе вну, якія займаюць 421-430-е месца. Віленскі універсітэт знаходзіцца ў групе 551-600.

У рэйтынгу QS сярод беларускіх вну ў 2014 годзе за выключэннем БДУ ранжыруецца толькі Беларускі нацыянальны тэхнічны ўніверсітэт - у групе 701+.