У Салігорску АМАП жорстка збіў заўзятараў футболу (відэа)

Здарэнне адбылося 31 жніўня ў Салігорску, паведамляе Еўрарадыё.

Паводле афіцыйнай версіі, у пачатку другога тайма матча футбольнага чэмпіянату краіны паміж "Шахцёрам" і брэсцкім "Дынама" (госці атрымалі перамогу з лікам 3:2 заўзятары з крыкамі ішлі па вуліцы і не рэагавалі на патрабаванні міліцыянераў. У выніку, АМАПаўцы ўжылі сілу і "спецсродкі".

Былі затрыманыя 26 чалавек, складзеныя 52 пратаколы аб адміністрацыйных правапарушэннях па артыкулах "дробнае хуліганства" і "ўдзел у несанкцыянаванным мерапрыемстве". Да суда заўзятараў адпусцілі.

Самі заўзятары кажуць, што затрыманне адбылося перад матчам і што яны ніякіх супрацьпраўных дзеянняў не здзяйснялі. АМАПаўцы паклалі іх на асфальт. На відэа відаць, што маладых людзей збівалі дубінкамі.