Ці была Беларусь краінай-партызанкай?

- Нават па завышаных афіцыйных дадзеных, у партызанскім руху на тэрыторыі БССР удзельнічалі 350 тысяч чалавек. А па неафіцыйных дадзеных гэты паказчык быў амаль утрая меншым, што непараўнальна з колькасцю тых чырвонаармейцаў (прыкладна 900 тысяч), якія здаліся ў палон на тэрыторыі Беларускай асобнай ваеннай акругі, а таксама з амаль мільённай Рускай вызваленчай арміяй генерала Андрэя Уласава і іншымі ваеннымі антысавецкімі фармаваннямі. Апроч таго, сярод партызанаў, што дзейнічалі на акупаванай тэрыторыі БССР, этнічныя беларусы складалі невялікую частку. Так, сярод 23 найбольш вядомых партызанскіх камандзіраў беларусамі з’яўляліся толькі Васіль Корж, Алесь Рабцэвіч і Кірыла Арлоўскі, - распавёў Анатоль Тарас у гутарцы для газеты "Новы час".

Па словах Тараса, людскія страты, якія панеслі захопнікі ад дзеянняў усіх савецкіх партызан, былі мізэрнымі - 35 тысяч чалавек (па дадзеных дырэктара Нямецкага гістарычнага інстытуту ў Маскве Бернда Вонвеча), з якіх каля паловы прыпадае на тэрыторыю БССР. За перыяд акупацыі нацысты згубілі нашмат болей ад санітарных страт - хвароб і няшчасных выпадкаў. Разам з тым, савецкія партызаны забівалі непараўнальна больш сваіх суайчыннікаў. Гаворка ідзе пра масавае вынішчэнне ўсіх пасобнікаў нацыстаў, настаўнікаў, святароў і людзей, якія не хацелі аддаваць прадукты, бо самім трэба было нешта есці.

У шматлікіх беларускіх вёсках на пытанне пра дзеянні партызанаў пад час Другой сусветнай вайны сяляне адказвалі коратка і па сутнасці аднолькава: «Немцы рабавалі днём, а партызаны — ноччу.