Асамблея НДА назвала "Чэмпіёнаў грамадзянскай супольнасці-2013"

 Прэміяй "Чэмпіёны грамадзянскай супольнасці" былі адзначаныя найбольш значныя і яскравыя падзеі ў жыцці беларускіх грамадскіх арганізацый, на думку праўлення Асамблеі НДА.

Як ранней паведамлялi арганiзатары, сёлета спіс намінацыяў прыцярпеў пэўныя змены. Так, былі выкрэсленыя традыцыйныя намінацыі “Рэгістрацыя году” і “Адмова году”. А замест их былi прапанаваны - “Лапаць году”, намiнацыя, якая ўручаецца за нэгатыўныя дзеянні ў дачыненні да арганізацыяў грамадзянскай супольнасці і іх прадстаўнікоў, а таксама СМІ году, - адзначае масмэдыя, якое найбольш грунтоўна і рознабакова асвятляла грамадскую дзейнасць.

Кампаніяй года была названая агульнанацыянальная кампанія "Зробім лепш", iнфармуе "Еўрарадые". У намінацыі "Новая ініцыятыва" перамагла "Мова ці кава". Рэгiянальная падзея — народныя бунты супраць ліквідацыі хатніх свіней (яе праводзілі для стрымлівання распаўсюду афрыканскай чумы свіней). Месцам 2013 года стала сталічная пляцоўка "Цэх". Крэатывам года прызналі працоўню сацыяльнай рэкламы і ўсталяванне ў Астравецкім раёне помніка паўстанцам Каліноўскага.

СМІ года стала інтэрнэт-тэлебачанне партала tut.by. "Лапаць года" — штраф арганізатарам велапрабега "стылягі на роварах". Грамадскім лідарам 2013-га быў названы Сяргей Міхалок.