Уладзімір Яроменак асужданы на тры месяцы арышту

Личности

Cуддзя Леанід Ярмоленкаў прызнаў актывіста вінаватым у парушэнні правілаў прэвентыўнага нагляду (артыкул 421 Крымінальнага Кодэксу) і пакараў яго арыштам на 3 месяцы, паведамляе Радыё Свабода.

Прэвентыўны нагляд чарговы раз быў устаноўлены за Ўладзімірам Яроменкам 15 сакавіка 2013 года тэрмінам на 6 месяцаў. Актывіст мае намер абскарджваць пысуд.

Раней да 6 месяцаў арышту за падобнае парушэнне быў пакараны іншы ўдзельнік Плошчы-2010 Васіль Парфянкоў.

Уладзімір Яроменак сябе вінаватым не прызнаў і наагул адмовіўся даваць паказанні.

На працэсе выступілі два сведкі-міліцыянты: Радзівон Казак, былы ўчастковы, і Аляксей Пяркоў, старшы інспектар. Яны распавялі, што прыходзілі ў кватэру, дзе пражывае Яроменак, але яго не заспелі, цягам 15 хвілін званілі ў дзверы, апытвалі сведак, суседзяў, паглядзелі, што святла ў вокнах не было.

Адвакатка ў сваім выступе звярнула ўвагу, што ў пратаколах не пазначаны час, што яны складзеныя з памылкамі і наагул сфальшаваныя, таму і сама справа, заведзеная на падставе сфальшаваных пратаколаў, павінна быць спыненая.