Абмеркаванне праекту Беларускай АЭС з літоўскімі грамадзянамі прызначылі на 17 жніўня

Адмсловы сход адбудзецца ў Інфармацыйным цэнтры АЭС у Астраўцы Гродзенскай вобласці, перадае БелТА. Паведамленне аб правядзенні грамадскага абмеркавання размешчана на афіцыйным інтэрнэт-сайце пасольства Беларусі ў Літве.

Грамадскае абмеркаванне праводзіцца ў адпаведнасці з рэкамендацыямі Камітэта па выкананню Канвенцыі Эспа. Пытанні і каментарыі па тэматыцы грамадскага абмеркавання можна да 17 жніўня накіроўваць пасольству Беларусі ў Літве звычайнай або электроннай поштай, дзяржаўнай установе "Дырэкцыя будаўніцтва атамнай электрастанцыі", - электроннай поштай. Адпаведныя адрасы названыя на інтэрнэт-сайце пасольства.

Таксама на старонцы асольства размешчаны інтэрнэт-спасылкі на прадстаўленую ў электронным выглядзе справаздачу аб АУНА запланаванага будаўніцтва Беларускай АЭС на літоўскай, рускай і англійскай мовах.

З адказамі і каментарамі можна азнаёміцца на інтэрнэт-сайтах ДУ "Дырэкцыя будаўніцтва атамнай электрастанцыі" і Міністэрства прыродных рэсурсаў і аховы навакольнага асяроддзя Беларусі або непасрэдна ў час сходу.

Паведамляецца таксама, што для грамадзян Літвы, якія жадаюць удзельнічаць у сходзе, пасольствам Беларусі і Літвы будзе адкрыта бясплатная візавая падтрымка. Беларускім бокам будзе забяспечана дастаўка ўдзельнікаў мерапрыемства з пагранпераходу "Каменны Лог" у Астравец і назад. Адпраўленне аўтобусаў прызначана на 10:45.