Беларускія НДА атрымалі візітныя карткі

 У аўторак у Мінску, у офісе Цэнтра прававой трансфармацыі Lawtrend, быў прэзентаваны праект "PR cацыяльна значных праектаў" грамадскай ініцыятывы PRацоўня сацыяльнай рэкламы.

Як сказала на прэзентацыі каардынатар і копірайтэр праекта Юлія Рымашэўская, арганізацыі, для якіх былі выраблены візітоўкі прайшлі конкурсны адбор. У выніку творчая каманда PRацоўнi сацыяльнай рэкламы ўлічыла пажаданні і сферу інтарэсаў 51 НДА, стварыўшы ім свае візітоўкі. На картках абазначаны не толькі кантакты арганізацыі, а адлюстравана сутнасць іх дзейнасці, місія, мэты. Візітоўкі (паглядзець можна тут) плануецца распаўсюджваць ў Мiнску і абласных цэнтрах Беларусі. Мяркуецца, што адмысловае асбталяванне, невялікія стойкі, дзе гэтыя візітоўкі будуць вісець, - размесцяцца ў бібліятэках, кінатэатрах, "інтэлектуальных" кавярнях, папулярных (наведвальных) офісах НДА. І любы жадаючы зможа ўзяць там візітную картку зацікавіў яго арганізацыі.

Мэта праекта - зрабіць інфармацыю аб грамадскіх арганізацыях Беларусі больш даступнай для беларусаў. Бо, як адзначыла Юлія Рымашэўская, нягледзячы на значныя справы і актыўнасць, грамадзяне нашай краіны часцяком дрэнна ведаюць свае НДА. Сустрэчны на вуліцы мінчанін назаве 5-10 арганізацый, тады як у Беларусі іх налічваецца больш за 3 тысяч. А ёсць яшчэ тыя, што не патрабуюць рэгістрацыі, і тыя, што не зарэгістраваныя з іншых прычын. Арганізацыі не заўсёды здольныя папулярызаваць сябе самі. І праект па стварэнні іх візітовак - адзін з крокаў, здольных зрабіць грамадскія структуры больш вядомымі і зразумелымі для людзей.

Многія ўдзельнікі прэзентацыі адзначалі, што візітоўкі атрымаліся сапраўды цікавымі, арыгінальнымі і інфарматыўнымі. Пры першым жа аглядзе стойкі з візітоўкамі некаторыя з тых, хто прыйшоў на мерапрыемства, адкрылі для сябе грамадскія ініцыятывы, пра якія раней не ведалі. Арганізатары праекту запэўнілi, што маюць намер папулярызаваць творчымі метадамі беларускія НДА і ў далейшым.

Аўтар ідэі - кіраўнік Lawtrend Алена Танкачова, каардынатар i капірайтар - Юлія Рымашэўская.