Арганізатары «Belarus Press Photo» збiраюцца абскардзiць вынiкi Ашмянскага суда

Фатографы Юлія Дарашкевіч, Аляксандр Васюковіч і Вадзім Заміроўскі, якія праходзілі па справе ў якасці «зацікаўленых асобаў», мусяць выплаціць па 217 тысяч рублёў за судовыя выдаткі. Паведаміў адвакат Юліі Дарашкевіч Аляксандр Бірылаў.

- Было прынята рашэнне прызнаць гэтыя матэрыялы экстрэмісцкімі, узяць дзяржпошліну з усіх фатографаў. Я з такім рашэннем суда не згодны. Наколькі мне вядома - мы гаварылі на гэтую тэму з Юляй Дарашкевіч, - будзем абскарджваць гэтае рашэнне. Зараз будзем рабіць усё, каб адмяніць гэтае рашэнне суда.

Тэрміна «экстрэмізм» у беларускім заканадаўстве вызначаны настолькі шырока, што фактычна выключае магчымасць выказвання меркавання для беларускіх грамадзян. Так намеснік старшыні Беларускай асацыяцыі журналістаў Андрэй Бастунец пракаментаваў прызнанне судом Ашмянскага раёна фотаальбома "Belarus Press Photo - 2011 "экстрэмісцкім". Ён адзначыў, што адна з версій, агучаная ў працэсе, заключалася ў тым, што канфіскаваныя альбомы былі знішчаныя і трэба было гэту справу абставіць законным чынам.